全港都正式解放又唔洗戴口罩，唔少香港人都開始計劃去旅遊，當中旅遊勝地嘅冠軍寶座必定係港人最愛嘅日本！最近身邊朋友都陸續去日本，自己當中熱門地方例如關西地區，即大阪、神戶以及奈良等都係好多自由行新手嘅首選地點。今次就為大家打造大阪自由行2023全攻略，精選推薦大阪11大必訪旅遊景點，以及自由行嘅行程花費，接下來就為大家介紹應該點玩，讓你一文就收藏所有重要資訊！
- 日本環球影城 Universal Studios Japan
要數大阪最非去不可嘅地方必定係環球影城！日本嘅環球影城比起日本、美國、中國、新加坡都係最融合在地文化嘅一個樂園，人氣推薦嘅園區包括Cool Japan（日本限定！）、超級任天堂世界、哈利波特禁忌之旅，日本環球影城將整座霍格華茲和活米村嘅場景搬入大阪，係港人最愛嘅園區之一！而疫情期間更開設咗繼《鬼滅の刃》後另一套超人氣作品《咒術迴戰》嘅4-D體驗，同時更加限時推出Hollywood Dream – The Ride聯乘超感官過山車，令你可以投入動漫之旅！
要去環球影城就一定要記得使用Universal Express Pass啦，幫你縮短遊樂設施等候時間，善用有限時間玩轉樂園，而以下就係喺KKday購買門票價錢同Express Pass價錢，大家可以因應遊玩日數而決定買邊一張門票：
| Express Pass名稱 | 項目數量 | 任天堂世界 | 哈利波特 | 每人 |
| 小小兵 瘋狂乘車遊 | 4 | ✓ | ✓ | $397起 |
| 飛天翼龍 | 4 | ✓ | ✓ | $397起 |
| Fun Ride | 4 | ✓ | – | $397起 |
| Variety Choice | 4 | – | ✓ | $338起 |
| 哆啦A夢 XR 乘車遊 | 4 | ✓ | ✓ | $397起 |
| Limited | 4 | – | – | $338起 |
| 逆轉世界＆哆啦A夢 | 4 | – | – | $338起 |
| 飛天翼龍＆侏儸紀公園 | 7 | ✓ | ✓ | $572起 |
| 逆轉世界＆蜘蛛俠 | 7 | ✓ | ✓ | $572起 |
| 飛天翼龍 | 7 | ✓ | ✓ | $572起 |
| 逆轉世界 | 7 | ✓ | ✓ | $572起 |
| Limited & Variety | 7 | ✓ | ✓ | $572起 |
| 哆啦A夢 XR 乘車遊 | 7 | ✓ | ✓ | $572起 |
| SING ON TOUR | 7 | ✓ | ✓ | $572起 |
| SING ON TOUR & 哆啦A夢 | 7 | ✓ | ✓ | $572起 |
*價錢以 KKday官網 為準
*Express Pass詳情參看KKday官網
- 海游館 Osaka Aquarium Kaiyukan
大阪海遊館係世界最大嘅水族館之一，日本天保山海遊館擁有八層高嘅巨型設計，水族箱入面最出名就係飼養著世界上最大魚類鯨鯊，海遊館共有620種30,000隻海洋生物，每個水族館都有15個大型觀賞區，館內包括觸摸鯊魚及魟魚嘅互動體驗，加上整個場館都渲染著藍色夢幻感覺，非常適合情侶打卡或親子旅遊，當中大約會停留嘅時間建議為2小時！除咗大阪海遊館之外，你仲可以搭配天保山摩天輪同大阪LEGOLAND Discovery中心嘅行程，令你五日四夜既行程入面更加多姿多彩！
*價錢以 海游館 Osaka Aquarium Kaiyukan官網 為準
- 大阪空庭溫泉 Osaka Bay Tower
去完距離日本環球影城和海遊館等觀光景點，行程空檔都必須要Take個Break！馬上為你介紹日本關西最大嘅溫泉主題樂園－ 大阪空庭溫泉，呢個地方最與眾不同嘅地方係除咗基本嘅溫泉體驗之外，仲融入咗好多唔同嘅娛樂設施，你唔單止能夠體驗凝聚了安土桃山時代歡樂熱鬧街道嘅氛圍，更加可以邊逛設施邊享用使用大阪出產嘅食材做成嘅料理，包括「弁天通」、「吃到垮橫丁」中有可以吃到各式各樣料理嘅餐廳同居酒屋，同時你仲可以欣賞由當時居民譜成嘅娛樂表演Show！
*小童未滿4歲免費
*價錢以 Klook官網 為準
- 心齋橋 Shinsai Bashi
位於大阪南區嘅「道頓堀」係大阪最熱鬧嘅商業區，而旁邊「心齋橋」即聚集超過100間平價衣服店、藥妝店、化妝品店、免稅店、百圓店、動漫人物店、餐廳和咖啡店，心齋橋商店街全長約600公尺，加上前後不同嘅商店餐廳之後，則成為一條約2公里延綿不斷嘅商店街，香港人如果要買手信或者想大肆Shopping，呢到絕對係一個你唔可以錯過嘅景點！
- 道頓堀 Okonomiyaki
去大阪自由行一定要逛嘅兩條街道，除左心齋橋之外，另一條你都必須要去嘅就係道頓堀！道頓堀係連接大阪府大阪市嘅河木津川與東橫堀川全長2.5公里嘅運河，呢條俗稱係大阪嘅美食街，當中你想食嘅日本美食一應俱全，從平價壽司、大阪燒、章魚燒、蛋包飯、串炸、龍蝦堡等必吃餐廳都喺這條街上面！
- 大阪城 Osaka Castle Park
除咗吃喝玩樂之外，你絕對不能錯過嘅必訪景點之一就係位於大阪中央嘅大阪城！大阪城係日本三名城之一，同時名列百大名城，亦係大阪自由行最受歡迎嘅觀光景點，其位於大阪市街區嘅正中央，交通方便，距離最近嘅車站係JR大阪城公園站或JR森之宮站。大阪城佔地廣闊，當中天守閣內部除了特定區域可以攝影外，亦都展示出關於大阪城嘅相關歷史資訊、模型等等。如果你想有一日係Chill住閑逛大阪，就必須要到訪呢個咁著名嘅地方啦！
- 吉卜力主題公園
這座吉卜力主題公園地點位於愛知縣名古屋近郊長久手市內，但都被香港人列為宮崎駿Fans去大阪自由行時必去朝拜嘅地方！其佔地200公頃，於2022年11月1日正式開幕，園區內將分成「青春之丘」、「吉卜力大倉庫」、「魔法故鄉」、「魔女之谷」、「DONDOKO之森」五大區。而「青春之丘」、「吉卜力大倉庫」、「DONDOKO之森」預計於2022年秋季開幕，「魔女之谷」、「魔法故鄉」預計於2023年秋季開幕。如果你想同龍貓一齊撐傘等公車，或者經歷宮崎駿動畫裡嘅著名場景，呢個公園都絕對值得你到此一遊！
| 園區 | 小童票 | 成人票 |
| 吉卜力大倉庫 平日 | 1,000 日圓 | 2,000 日圓 |
| 吉卜力大倉庫 週末及假日 | 1,250 日圓 | 2,500 日圓 |
| 青春之丘+吉卜力大倉庫 平日 | 1,500 日圓 | 3,000 日圓 |
| 青春之丘+吉卜力大倉庫 週末及假日 | 1,750 日圓 | 3,500 日圓 |
| DONDOKO之森 | 500 日圓 | 1,000 日圓 |
*價錢以 吉卜力主題公園官網 為準
- 黑門市場 Kuromon Market
相信非常多熱愛日本美食嘅香港人都熟悉黑門市場，其位於大阪市中心、南區日本橋附近，其原名為圓明寺市場，後來因為寺廟嘅山門呈現深黑色、因此大家就把寺廟附近嘅這個市場稱黑門市場，當中最吸引大阪本地人去購買嘅係河豚，但對於香港旅客嚟講，IG打卡嘅哈密瓜雪糕、碳烤海鮮、石橋食品、即時現開海膽、24小時超市「黑門中川」先係最吸引人到訪嘅原因！
- 阿倍野展望台 Harukas 300
如果你喺香港有去過天際100、喺紐約會去帝國大廈，咁嚟到日本大阪自由行都必須要到訪阿倍野展望台！呢棟係日本最高摩天大樓，直升300公尺高空，你可以喺黃昏至夜晚嘅時段上去，盡情飽覽大阪城市美景，當中60樓係一條360度嘅空中迴廊，你可以享受漫步雲端嘅體驗，用一個高空俯視嘅角度去睇大阪呢個地方，感受不一樣城市魅力。
| 門票種類 | 票價 |
| 海闊天空展望台電子門票 | HK$90 |
*價錢以 Klook官網 為準
立即購買門票- 大阪生活今昔館
大阪生活今昔館係日本第一間以大阪住宅及生活為主題嘅博物館，當中你不但能夠感受到1830年代左右大阪江⼾後期嘅⽣活與街景氛圍，同時亦可以遊覽到關於日本嘅歷史蹤跡，最受遊客歡迎嘅地方係你可以用500日圓體驗和服拍照！如果你未必有時間去到日本其他地方穿著和服，呢到都會一個令你可以感受日本風情、同時交通方便嘅地方。
- 天保山摩天輪
如果你呢一趟日本旅程係同心儀嘅另一半去的話，天保山摩天輪都值得放入你嘅Bucket List入面！其建於1997年，高112.5米，曾經係世界上最高嘅摩天輪。進入密封嘅纜車後，你將會開始 17 分鐘環行之旅，有充足時間讓你同另一半享有特別嘅二人浪漫時光，呢座摩天輪特別之處為其燈光顏色能夠預報明日嘅天氣－－橙色表示天晴，綠燈預告天陰，而藍色則代表有雨，為大阪其中一個標誌性嘅地方！
| 天保山摩天輪門票 | 成人票 HK$48 / 每人 |
*價錢以 KKday官網 為準
立即購買門票提提大家，由於日本開關時間尚短，無論去邊到遊玩都好，都應該要事前Check清楚景點開放時間及限制，部份收費地區亦有機會已經提高門票價格，因此遊玩之前應該去該景點官網先進行預訂或查詢，令整個旅程更加盡興！