2023第二期消費券就嚟係7月16號發放啦。今期消費券6大平台都推出咗新嘅優惠，包括八達通、WeChatPay HK 微信支付、Tap&Go 拍住賞、BoC Pay、AlipayHK 支付寶、PayMe。無論喺舊用戶，定啱啱轉會嘅新用戶，都可以用到以下嘅優惠。快啲睇吓有咩新著數可以拎啦！
6大消費券平台
1.【消費券優惠】Octopus 八達通
獎賞1：連環快閃現金賞
上年開始舉行嘅「好賞嘟獎賞計劃」，將會喺今期同一眾好賞嘟商戶（包括大家樂、OK便利店、麥當勞、爭鮮等）推出連環快閃現金賞！第二期消費券派發期間，一連4星期喺指定日子同時間，八達通 App會派出一百萬張現金券，仲要不設最低消費要求，即撳即用！但留意現金券有效期為2星期，同埋每人每日最多只可以拎一張（推廣期內最多可以拎到19張），送完即止。記得密切留意八達通 App啦！
獎賞2：商戶優惠券
除此之外，八達通亦會聯同全港指定商場同商戶，推出總值超過一億嘅商戶優惠券。呢啲商戶優惠券可以用喺網上購物平台、中西式食肆及酒店餐廳，或者用嚟買電子產品、時尚服飾、運動用品、家具等都可以，總之可以買到嘅野應有盡有。不過八達通銀包同一時間只可儲存一張同款嘅商戶優惠券，需要先用已儲存嘅優惠券，再次拎另一張同款嘅商戶優惠券。詳情可以睇返八達通網站。
2.【消費券優惠】WeChat Pay HK 微信支付香港版
獎賞1：限時5次扭蛋抽獎
所有WeChat Pay HK嘅用戶只要進入WeChat Pay HK消費券主頁，就可以參加呢個抽獎活動。而獎賞都好豐富，除咗有唔同商戶嘅電子現金劵之外，仲有機會抽到價值高達HK$98電子現金券一張。不過新用戶同舊用戶嘅抽獎次數有啲唔同。本身已經用緊WeChat Pay HK嘅用戶，可以先享用2次抽獎機會；而成功喺7月消費劵計劃登記用WeChat Pay HK嘅，就可以獲得3次抽獎機會。雖然新登記用戶嘅抽獎次數比舊用戶少，但只要參加呢個抽獎，就一定會中獎！所有獎賞都會喺嚟緊7月16號同消費劵一齊派發。
獎賞2：雙倍印花獎賞
另外，由7月6號起連續5個月，WeChat Pay HK用戶都可以拎到雙倍印花獎賞。用戶只要每個月喺「印花專區」完成「消費券用戶專屬印花任務」，就可以額外拎到數量等同於當月基礎消費任務嘅電子印花，而呢啲電子印花可以兌換到唔同商店嘅電子現金劵，價值高達HK$50！
3.【消費券優惠】Tap&Go 拍住賞
獎賞：大小商戶優惠
透過Tap and Go使用消費劵嘅你，可以享用本港大小商店嘅優惠，包括時尚服飾、生活用品、美食、電訊服務等，優惠高達HK$2,680，連The Club、24/7 FITNESS、ZALORA、友和等都有優惠。詳情可以睇返Tap&Go官網。不過記得留意推廣日期，每個優惠嘅完結日期都唔一樣嫁。本身都要買野嘅話，不如睇吓邊到嘅優惠著數啲再決定。
4.【消費券優惠】BoC Pay
獎賞1：現金賞
無論喺新用戶定舊用戶，只要成功登記以BoC Pay領取第二期消費劵，就可以拎到HK$100現金回贈。現金回贈會喺7月31號後兩個月內入落消費券賬戶，並顯示喺賬戶交易紀錄到。BoC Pay用戶記得到時check吓啦。
獎賞2：加碼HK$5000理財賞
BoC Pay用戶仲可以拎到高達HK$5000嘅銀行產品，包括港元定期存款特優年利率優惠、高達HK$2,300嘅外幣兌換現金賞、中銀指定信用卡8000積分回贈、首筆跨境匯款HK$0手續費、首筆港股/A股/美股交易HK$1經紀佣金優惠，同低至6折嘅一般保險保費。有興趣嘅朋友可以瀏覽官網同優惠條款及細則。
獎賞3：商戶優惠
由即日起至7月31日，BoC Pay用戶可以喺超過40間嘅指定商戶享受消費優惠，只要買滿HK$50，即減HK$5。指定商戶包括百佳、日本城、屈臣氏、Starbucks、759阿信屋等。每人最多可以用呢個優惠2次，撳入嚟睇吓邊啲指定商戶用到啦。
5.【消費券優惠】AlipayHK 支付寶香港
獎賞：Alipay積分
AlipayHK同其他平台有啲唔同，喺以派發A.Point積分去兌換獎賞。A.Point係AlipayHK推出嘅全新積分獎賞計劃，100 A.Point就等於HK$1兌換獎賞。喺7月消費劵入面，所有舊用戶都可以喺7月16號獲得2000積分，即價值$20獎賞。而新登記嘅消費劵用戶就可以額外拎多3000積分，即價值$30獎賞。呢啲A.Point積分可以用嚟兌換或購買優惠券，當中包括零售餐飲、數碼娛樂、跨境旅遊等禮劵，總逾600萬元積分優惠券。另外，由即日起至7月16日，完成身份認證嘅18至24歲消費券用戶，仲可以拎多$50獎賞嫁！如果想知道更多有關AlipayHK積分獎賞計劃，可以去AlipayHK APP到睇吓。
6.【消費券優惠】PayMe
獎賞：商戶優惠券
PayMe舊用戶可以今期嘅消費劵到拎到一共6張價值HK$1150嘅優惠券，呢6張優惠券已經喺2023年6月7號發放喺舊用戶嘅PayMe錢包到，包括1張HK$500優惠券、1張HK$250優惠券、2張HK$150優惠券同2張HK$50優惠券。至於新登記PayMe消費劵嘅用戶會比舊用戶拎多一張HK$150優惠券，總共喺7張價值HK$1300嘅優惠券。呢啲PayMe優惠劵可以喺PayMe商戶到消費。不過優惠券都有列明最低消費額同有效日期，記得睇清楚啦！想知道邊間商店可以用PayMe？可以撳入嚟PayMe官網到睇吓。
