相信有唔少係鬼滅之刃嘅粉絲（小編已舉手），今年12月就有全港首個「鬼滅之刃全集中跑2023」，8月15日早上10:30開始報名啦，參加完仲可以攞到豐富嘅跑手包，粉絲唔可以錯過！賽事分別有5公里、3公里同1.5公里選擇，如果你唔係跑開步但係同時好想參加，亦可以選擇1.5公里嘅非計時賽，一齊感受鬼滅之刃嘅氣氛。事不宜遲，立即睇以下活動詳情。
早鳥限定禮品！
只要於8月15至18日內成功報名，可以免費獲得《鬼滅之刃全集中跑 2023》限定「鬼滅之刃卡套」一個！立即約好朋友快手報名啦！即到官網報名
超有收藏記念價值限定跑手包！
跑手包分別有個人跑手包同二人跑手包，而二人跑手包亦都多咗炭治郎同彌豆子主題嘅不鏽鋼露營杯同布織手繩。建議大家要結伴一齊去，先可以得到多兩件禮品！
個人跑手包
活動限定跑手 Tee 1件、運動毛巾1條、束繩袋1個、文件夾1個、號碼布1塊
家庭二人/二人跑手包
活動限定跑手 Tee 2件、運動毛巾2條、束繩袋2個、不鏽鋼露營杯1對、布織手繩1對、號碼布2塊
活動詳情
今次《鬼滅之刃全集中跑 2023》將會喺12月10日於香港科學園舉辦，賽事分別有5KM、3KM、1.5KM，5KM同3KM都係計時賽，對跑步有信心嘅朋友可以參與！另外1.5KM則係非計時賽，可以同小朋友一齊參與，享受當下氣氛都係唔錯嘅選擇。
大家可以到睇以下圖片參考返起跑時間同報名費。
完成獎牌好有紀念價值！
完成之後，仲可以得到炭治郎造型嘅獎牌，好有收藏價值，粉絲不能錯過！
