話咁快又到一年一度既萬聖節，今年2023年萬聖節品牌「港鬼故」玩大啲，挑戰人類崩潰極限，又一萬聖節巨獻：《七門教》慶典！嚇足一日！單日內容包括沉浸式大型鬼屋、舞台級魔術娛樂、藝術展覽、生態展覽、市集、啤酒節、Festival Day 仲有誘惑心靈既傳教音樂騷等，於這淺水灣海景打造香港大型萬聖節派對，帶你享受更高層次萬聖節娛樂！慶典Festival 顧名思義，人多鬼多活動多！自認膽大既你，夠唔膽入教呀？
七門教6大必玩項目
1. 七門聖殿（沉浸式大型鬼屋）
萬聖節點少得鬼屋呀。七門教鬼屋將會帶你返到去80年代香港既邪教地牢，佔地面積接近10,000平方英尺。每組參觀者最多七人入場，等你地可以探索《七門教》既起源同見神秘教主一面。而且用咗電影級美術同氣動機關，等你可以好似身臨其境咁體驗入教儀式！入去玩既小心唔好比佢地洗禮呀！
2. 七門黑魔法表演 (舞台級魔術娛樂)
完成鬼屋後仲有更大既邪教儀式等緊你！主辦單位仲邀請台灣「東方魔團」得獎魔術師為各位「教徒」表演大型魔術表演：「The Seven Gates Black Magic Show」。
3. 鬼混市集
玩完鬼屋、睇完Show，大家仲可以去行埋個七門市集。除咗會有小遊戲（例如VR遊戲）玩之外，仲有驚慄誘惑美食、自製符咒，同禮品店比大家行！
4. 邪門藝術展
買完野，大家仲可以去睇吓唔同既藝術品同埋都事傳說！港鬼故同藝穗會合辦 Dark Art Gallery，一場展示唔同暗黑系藝術家作品既獨特展覽。參加者將有機會欣賞到不同既暗黑藝術作品，更有機會購買呢啲作品，將神秘既藝術品帶返屋企！
5. 教徒打卡位
現場仲有多個藝術品可以比大家去打卡，樣樣都做到好逼真！
6. 誘惑心靈之傳教音樂騷&啤酒節
萬聖節慶典Haunted Kong Festival Day 會係10月27- 29，31號一連四日加入音樂誘惑，醉生夢死「傳教音樂騷 X 膜拜酒節」！邪教慶典點少得音樂同酒！（導你入教更唔少得音樂同酒！）集合不同誘惑心靈音樂單位，用音樂教育心靈，引領你進入瘋狂的崇拜之夜。用酒精令你將教義灌入身體，成為一個切切實實七門教教徒！享受萬聖節最邪最黑暗氣氛洗禮，瘋狂十月！
港鬼故呈獻《七門教》慶典Festival 活動詳情
主辦：Haunted Hong 港鬼故 、三唇製造
日期：10月7-8, 14-15, 21-22, 27-29, 31
時間：下午2點半至晚上10點半
地點：淺水灣海灘道28號The Pulse （商場東翼位置上3樓）
交通：
- 港鐵中環站A出口/香港站B1出口鄰近交易廣場出發，搭乘6、6X或260號巴士前往淺水灣海灘巴士站
- 由銅鑼灣渣甸街出發，搭乘40或40X號綠色小巴，於淺水灣海灘下車
門票種類：
- 展覽入場門票（HK$88）
適用日期：10月7-8, 14-15, 21-22, 27-29, 31日
包含場內活動 : 邪門藝術展、黑暗魔宴展覽 - 鬼速快證（HK$222）
適用日期：10月7-8, 14-15, 21-22, 27-29, 31日
快證包含：七門聖殿沉浸鬼屋快證x2（兩次入場）、七門黑魔法表演VIP座 （單次入場）、更多VIP優先、盲盒禮物 - 十月祟拜門票（HK$388）
適用日期：10月7-8,14-15, 21-22日
門票包含場內所有活動的入場門票 (音樂節除外)：七門聖殿沉浸鬼屋(單次入場）、七門黑魔法表演（單次入場）、靈感凶間、邪門藝術展、黑暗魔宴展覽、主題市集 - 萬聖節慶典門票（HK$588）
適用日期：10月27, 28, 29, 31日
門票包含場內所有活動的1天入場門票：七門聖殿沉浸鬼屋（單次入場）、七門黑魔法表演（單次入場）、靈感凶間、邪門藝術展、黑暗魔宴展覽、鬼混市集、傳教音樂騷
