相信一提到保健品，唔少人會即刻諗起iHerb！但係iHerb保健品有咁多款，究竟揀邊樣iHerb supplement先適合你？今次小編就介紹iHerb人氣營養保健品同人氣草本保健品，針對身體唔同部位嘅健康有唔同嘅保健品介紹，立即睇邊款保健品適合你。
營養補充品
- 【骨骼健康】21st Century 鈣鎂鋅+D3
- 【心臟健康】California Gold Nutrition Omega3 魚油
- 【眼睛健康】Doctor’s Best 含 OptiLut 葉黃素
- 【腸道健康】California Gold Nutrition 益生菌
草本保健品
- 【女性健康】Natural Factors, CranRich 特強蔓越橘精華
- 【明目+抗氧化】Natural Factors, CranRich 高效濃縮藍莓
- 【肝臟健康】NOW Foods 水飛薊提取物
- 【腦部健康】Doctor’s Best 超效銀杏萃取
iHerb必買營養補充品
【骨骼健康】21st Century 鈣鎂鋅+D3
維生素D雖然可以透過曬太陽吸收，但係辦公室人士同防曬關係，亦令到有唔少人缺乏維生素D，而且含有維生素D嘅食物並唔多，更加去吸收到足夠攝取量。
維生素D對身體有舉足輕重嘅作用，對身體每一個器官都可以發揮到作用。因為維生素D可以幫助鈣吸收，所以最常見係會配搭鈣或磷一齊補充去預防骨質疏鬆。
另外維生素D3都可以抑制癌細胞嘅生長同轉移同增強免疫力！仲有唔少作用都可以發揮到，強烈建議平日曬唔到太陽嘅人士補充。不過要留意，如果長期攝取過量維生素D會產生副作用，所以購買時要選擇適合自己嘅劑量。懷孕、哺乳、長期病患者等等喺補充前需要咨詢醫生意見。
到iHerb頁面【心臟健康】California Gold Nutrition Omega3 魚油
Omega-3魚油係一種關鍵嘅營養補充品，對於整體健康至關重要。而冷水魚（好似三文魚、鯖魚同沙丁魚）就係Omega-3嘅良好來源。但係好多香港人日常飲食中都攝取唔夠，而魚油中含有豐富嘅EPA同DHA，呢啲重要嘅脂肪酸喺好多方面都起到重要作用，所以補充Omega-3魚油保健品就成為好多香港人嘅需要。
Omega-3魚油對於心臟健康、腦功能、關節健康、眼睛健康同免疫都好有幫助。亦可以幫助降低三酸甘油脂水平、減少血壓，同減少心臟病發作同中風嘅風險、為小朋友腦部發育時提供必需營養去提升學習能力同記憶力等等。
如果你係心血管疾病風險高、關節炎患者、有免疫系統問題或者比小朋友補充營養，補充Omega-3魚油都係一個好好嘅選擇！
到iHerb頁面【眼睛健康】Doctor’s Best 含 OptiLut 葉黃素
平時日日望住手機同電腦，眼睛好攰？電子產品釋放嘅藍光唔單止會令眼睛疲勞，仲會穿透至眼底，直至視網膜同黃斑部，對長期落去對眼睛造成嚴重影響。Doctor’s Best Lutein with OptiLut® 提供 OptiLut®，採用專利提取工藝以萬壽菊花作爲原料生產，含有高度生物利用度嘅全天然葉黃素同反式玉米黃質。
葉黃素有抗藍光嘅作用，可以保護眼睛組織免於傷害，仲有抗氧化功效，可強化黃斑部去抵抗自由基傷害，並抑制發炎反應，避免發生眼疾。另一方面，清朝著作《植物名實圖考》記載萬壽菊花有緩解目赤腫痛嘅作用，完美滿足坐喺office嘅上班族同成日對住部手機人士去維持眼部健康。
到iHerb頁面【腸道健康】California Gold Nutrition LactoBif 益生菌
腸道係我地身體最大嘅免疫器官，亦都係吸收營養同消化嘅地方，而腸道入面嘅益生菌可以幫助維持腸道嘅微生態平衡，增強免疫力。近年都有唔少人補充益生菌，而呢款益生菌就係iHerb嘅人氣大熱啦！呢款California Gold Nutrition LactoBif 益生菌含有8種活性益生菌菌株、包括5種乳杆菌和3種雙歧杆菌。而且係素食膠囊，所以素食者都可以放心食架！
如果你有消化不良、腸胃不適、免疫系統功能下降等等問題，都可以試下補充益生菌去改善問題。但係留意返，大概補充一至兩個星期後先會有明顯效果，同埋因個人體質會有唔同效果，最重要係試款啱自己嘅益生菌。
到iHerb頁面iHerb必買草本保健品
【女性健康】Natural Factors CranRich 特強蔓越橘精華
有唔少女性一生人都會經歷至少一次尿道炎嘅痛苦，而尿道炎亦係一個高復發率嘅病。保持尿道健康可以有助於預防尿路感染，而研究顯示蔓越莓當中有種叫尿烯酸嘅成分，可以抑制細菌附著喺尿道壁上嘅能力從而幫助預防同減輕尿道感染。而且亦含有豐富抗氧化劑，例如花青素、兒茶素等等，可以改善皮膚健康同眼睛健康添！
到iHerb頁面【明目+抗氧化】Natural Factors CranRich 高效濃縮藍莓
藍莓係「超級食物」之一，而其中好處可以保護眼睛健康就最出名。除咗改善眼睛問題外，其實內含抗氧化劑都可以減緩細胞損傷同老化、增強記憶力、改善認知功能同預防阿茲海默症。而濃縮藍莓能夠高效針對身體需要而作出改善，研究顯示大部分人表示改善眼睛矇霧、眼睛疲勞等症狀。
到iHerb頁面【肝臟健康】NOW Foods 水飛薊提取物
奶薊草又稱水飛薊，對於夜瞓、飲酒、壓力大嘅朋友好重要！因為水飛薊素被廣泛用於肝臟保健。可以促進肝臟細胞再生同修復，對於脂肪肝、肝炎同肝硬化等等嘅肝臟疾病有一定幫助。另外水飛薊素亦有解毒能力，有助排除有害物質同毒素，可以增強肝臟解毒功能。但係留意係，水飛薊素有降低血糖嘅效用，如果有低血糖嘅人士要注意攝入量。
到iHerb頁面【腦部健康】Doctor’s Best 超效銀杏提取物素食膠囊
成日有人話「記憶力唔好就食銀杏」，咁銀杏係咪真係幫到呢？其實研究顯示銀杏其中一個功效係促進血液循環，人體補充後可以令血管擴張，增加大腦供血，從而幫助提升腦功能。如果身邊有因為老化而出現記憶力衰退嘅情況，都可以補充銀杏以改善認知功能同記憶架！
咁對年輕人又有咩功效呢？銀杏可以幫助預防記憶力衰退，亦都有抗炎同改善手腳冰冷問題。不過要留意，攝取過多可能會造成過敏反應，唔好食用過多！另外孕婦或哺乳期女性、正在服用抗凝血劑同單胺氧化酶控制劑或者有出血問題人士，都要避免食用。
到iHerb頁面