旅發局推出「樂聚維港嘉年華」一連串活動，無論本地或旅客都可以免費參加！今次重點活動係「維港水上音樂」，會將以水上舞台方式呈現比大家，地點會喺灣仔臨時海濱花園舉行，所有入場人士都係免費入場！除咗每週有本地同不同地區歌手同音樂家進行音樂表演外，亦有每週唔同主題嘅特色街頭表演同緊張刺激嘅極限運動表演！場地提供飲品同小食，比你chill住過盛夏！ 水上音樂會將會喺7月8日起，一連十日逢星期六同日晚上舉行，每日有唔同嘅歌手進行音樂表演。可以一邊望住維港夜景，一邊感受音樂會熱情洋溢嘅氣氛！而且每逢舉行水上音樂會嘅晚上8點，亦會加強「幻彩詠香江」燈光同有海上煙火表演。 大家要留意，雖然今次水上音樂會係免費入場，但係入場人士需要係指定日期同時間，到旅發局網站領取免費門票。最好提前註冊帳戶，再揀啱心水場次去領取門票。而每位用戶可以同時領取兩場表演嘅門票，每場表演只可以領取一套兩張門票（所有門票皆為企位）。如果一班朋友去嘅話，就記住叫埋好友一齊註冊領取門票啦！ 「維港水上音樂會」日期及時間 日期：7月8、9、15、16、22、23、29、30日及8月5、6…