日本咁多地方，近年福岡都成為港人熱門旅遊地點。相比起東京同大阪嘅大城市，福岡就比較適合慢遊嘅朋友。而且福岡機場距離市中心好近，搭交通工具去市區都只需要十幾分鐘時間，絕對適合老人家或小朋友去嘅日本旅遊地點。想體驗一下福岡美食中最出名嘅博多拉麵同感受屋台文化，亦都想喺福岡賞櫻花或賞楓葉，不妨睇下接落嚟推介嘅熱門福岡景點啦！ 1. 【福岡景點】中洲屋台、長濱屋台、天神屋台 福岡嘅「屋台」，其實就係日本夜市嘅路邊攤，相比其他地區，福岡博多屋台文化發展最為蓬勃，而當中最熱鬧當屬「中洲屋台」、「長濱屋台」及「天神屋台」。 三大屋台區都各有特色，中洲屋台係景色最靚、長濱屋台係最多拉麵攤、天神屋台店家最多。屋台會喺夜晚5點左右開始營業，而福岡嘅屋台大多集中係河邊同公園附近，可以一邊望住景色一邊感受當地飲食文化，絕對唔可以錯過！…