日本咁多地方，近年福岡都成為港人熱門旅遊地點。相比起東京同大阪嘅大城市，福岡就比較適合慢遊嘅朋友。而且福岡機場距離市中心好近，搭交通工具去市區都只需要十幾分鐘時間，絕對適合老人家或小朋友去嘅日本旅遊地點。想體驗一下福岡美食中最出名嘅博多拉麵同感受屋台文化，亦都想喺福岡賞櫻花或賞楓葉，不妨睇下接落嚟推介嘅熱門福岡景點啦！
1. 【福岡景點】中洲屋台、長濱屋台、天神屋台
福岡嘅「屋台」，其實就係日本夜市嘅路邊攤，相比其他地區，福岡博多屋台文化發展最為蓬勃，而當中最熱鬧當屬「中洲屋台」、「長濱屋台」及「天神屋台」。
三大屋台區都各有特色，中洲屋台係景色最靚、長濱屋台係最多拉麵攤、天神屋台店家最多。屋台會喺夜晚5點左右開始營業，而福岡嘅屋台大多集中係河邊同公園附近，可以一邊望住景色一邊感受當地飲食文化，絕對唔可以錯過！
2. 【福岡景點】博多運河城
博多運河城人流比較少，可以輕鬆咁shopping！博多運河城就喺博多車站、天神站、祇園站、中洲川端站等中間，由每個車站出發路程大概都係10-15分鐘，行完商場再去中州屋台小酌怡情都係一個唔錯嘅選擇。
成個商場被一條運河貫穿，商場有戲院、娛樂中心、旅館、餐廳、名牌店，包括服飾、藥妝等多種類嘅商店，無論日本當地品牌或國際品牌都可以喺呢個商場搵到。而佢係夜晚仲有「運河城全景水舞」，結合水幕、3D光雕投影、2千500吋螢幕同音響呈現出黎，每晚都吸引唔少人去睇架！
3. 【福岡景點】天神地下街
距離博多唔遠嘅天神喺福岡市中心商務區，都係成個九州地區最大嘅商業區。地下城作為九州最大嘅地下購物中心，全長超過600公尺，連結左地下鐵機場線「天神站」同地下鐵七隈線「天神南站」，從博多搭地鐵只要搭三站就到，都係西鐵巴士同高速巴士站停靠站。
天神有12條19世紀歐洲城市風格嘅商店街，以阿拉伯風格的天花板作為點綴，古色古香又充滿住異域風情。由年輕人喜愛嘅流行服飾、美食、雜貨、藥妝，只要你諗到，就可以搵到！而且好多店家都適用「日本免稅制度」，想慳錢又想要精美產品，就唔好錯過呢個性價比咁高嘅地方啦！
4. 【福岡景點】福岡海購城瑪麗諾亞Outlet
2000年開業嘅九州瑪麗諾亞城係沿海而建，係九州最大嘅名牌特價商品購物中心。入面嘅商店包括時尚服裝到運動，裝飾用品，室內裝飾等160多間店鋪，每年仲會有大減價，一定可以買到性價比高嘅心水產品。而且由博多站步行2分鐘到博多巴士站，搭乘333或333特快就可以到達瑪麗諾亞OUTLET啦。
而且瑪麗諾亞城建立喺海邊，除咗係一個購物勝地外仲係一個觀光點。行完街仲有時間， 可以坐埋摩天輪，再欣賞下海景，打卡一張作為留念啦！
5. 【福岡景點】太宰府
位於福岡市中部地區的太宰府，一直都係嚟福岡自由行一個好熱門嘅景點，由「西鐵福岡（天神）站」坐西鐵天神大牟田線到「西鐵二日市站」轉太宰府線至「太宰府」下車，車程大概係30分鐘，車費400日圓。「太宰府天滿宮」係市內地標之一，亦係日本全國天滿宮之總本社，係一個專門求學業嘅神社，所以好多學生都會去參拜，遊客都可以摸「御神牛」以求智慧。
神社附近嘅天滿宮表參道商店街，亦有好多食店同特色小店。其中最特別嘅食店，就係全球唯一一間用五角形狀拉麵碗嘅一蘭拉麵店！因為日文中嘅「五角」同「合格」係發音係一樣，所以用五角拉麵碗亦係考試合格，日本亦有唔少學生會去食祈求合格架！而另一樣必食嘅，一定係太宰府名物「梅枝餅」，梅枝餅係由糯米皮包住紅豆餡而成嘅煎餅，去到嘅朋友一定要食！
如果想體驗一下身穿和服遊覽太宰府，都可以到Klook預訂！
到Klook預訂6. 【福岡景點】櫛田神社
去福岡要去神社，就唔可以錯過櫛田神社。交通以地鐵為主，係一個非常方便嘅神社，最近嘅站係地下鐵中洲川端站同祗園站，行路10分鐘左右就去到啦。喺祗園站出發嘅朋友，如果想睇到途中表參道鳥居，記住喺2號出口出，再向前行大概1-2分鐘就見到啦！
作為博多街道嘅守護神，櫛田神社一直深受福岡市民同遊客愛戴，每年福岡最矚目嘅夏季祭典「博多祇園山笠」都喺呢度舉行。入去參拜後，記住去到旁邊傳說中嘅靈泉鶴之井，分開三次倒落手上飲，第一啖要諗住保佑自己長壽健康、第二啖諗住保佑家人長壽健康、第三啖諗住保佑身邊嘅人都長壽健康。不過最近疫情關係，都唔開放比人再飲用，參拜嘅朋友要注意。
另外神杜入面有個巨型神轎，係夏季祭典時奉獻給神明的神轎，亦係每年都會重新打造，所以每次黎都會有所不同架！而神轎後面亦有以前占卜用的大力士石，想試下自己夠唔夠大力，可以抱起刻有「試石」嘅石頭架。不過亦都可能因疫情關係而試石被收埋，去到嘅朋友可以留意下。
7. 【福岡景點】小倉
相比起東京同大阪這些繁華熱鬧的都市，小倉就比較悠閒。走到小倉城途中會經過中央商店街，魚町銀天街同旦過市場。中央銀座商店街有各式各樣嘅商店，例如DAISO、松本清藥妝店、日常用品店等等。而入面有間人氣平價麵包店SHIROYA，價錢親民不特止，當中嘅奶油蛋捲仲係深受當地居民嘅人氣產品，去到嘅朋友一定要試！
商店街行到底就係「魚町銀天街」嘅交接處，呢度有標示住去往不同景點所需時間，跟住十字路口指示就可以去到小倉城同旦過市場。當中小倉城係必訪嘅熱門景點之一，喺展覽館入面，你可以認識到天守閣嘅歷史，城堡周圍有好多文化遺產同古蹟。係入面參觀時，你仲預約免費租借武士裝同和服去感受返當年嘅感覺。附近仲有好多商店同餐廳，可以一邊買紀念品，一邊食當地嘅美食。真係好適合感受日本傳統同欣賞美景嘅好地方！
8. 【福岡景點】門司港
門司港係歷史同魅力嘅旅遊景點，想過一日悠閒了解歷史嘅一日就絕對唔可以錯過！門司港曾經係國際貿易據點之一，亦係日本三大港之一。保存完好嘅舊港區保留左唔少古老嘅建築同文化遺產。你可以行過舊街，睇吓啲歐式建築同傳統木造屋。而最有名嘅就係「門司港レトロ」，沿住復古嘅建築同街道，就好似時光倒流咁，超有懷舊feel！
其中必睇嘅景點係「藍翼門司吊橋」嘅開關，每日嘅早上十點至下午四點，逢搭正都可以睇到開關橋，喺懷舊區望住吊橋開關感受到滿滿嘅時代感！
最後記住要食門司港著名美食 — 燒咖喱飯Bear Fruits！由門司港駅過去只需要1分鐘，而且可以邊睇海景邊食人氣超高嘅燒咖喱飯，係一間連當地人都喜愛嘅美食。
9. 【福岡景點】柳川
「柳川」以其優美嘅運河風景而聞名，由福岡出發，最理想嘅交通方式就係搭乘西鐵電車前往，由「西鐵福岡（天神）站」搭到「西鐵柳川站」落車，車程約45分鐘，單程票價870日圓就去到。
柳川有一條名叫「柳川堀」嘅運河，沿岸有美麗嘅柳樹林，營造出寧靜浪漫嘅氛圍。你可以選擇搭乘傳統嘅「曳舟」。全長大約4公里，大概70分鐘就可以飽覽柳川嘅美景。船夫會一邊划船，一邊介紹住柳川嘅景點，仲會唱住當地嘅民謠，泛舟呢個活動係柳川絕對唔可以錯過嘅活動！
當然，食物亦係柳川嘅一大特色，其中蒸籠鰻魚飯就係必食！單單柳川市已經有幾十間餐廳賣蒸籠鰻魚飯，用蒸籠方式去烹煮鰻魚，軟熟嘅鰻魚會喺你口中化開，成為咗柳川必食料理。
柳川觀光遊船票可以經KKday預訂，成人只需HKD$87，兒童票只需HKD$43。
到KKday購票10. 【福岡景點】河內藤園
被CNN選為「31大日本最美景點」「河內藤園」，亦都因為動漫鬼滅之刃入面紫藤花嘅設定而得到更多人氣！河內藤園入面嘅紫藤花大概每年4月中至5月初盛開（每年花期有所變化），而最具象徵性嘅就係用紫藤花所形成隧道，無論你係咪鬼滅之刃嘅粉絲，都係打卡嘅必到景點！園內有設計精美嘅步道，你可以沿著小徑走過藤蔓花海，欣賞到不同角度嘅花朵。此外，園內還有一個日式庭園，有池塘、橋樑和小徑，增添了寧靜和平靜的氛圍。
錯過咗紫藤花盛放嘅時期，亦都可以選擇11月中至12月初嘅紅葉季節，到時棚外會有大約700棵嘅楓樹，一片紅葉海充斥住滿滿嘅秋日感。
要去參觀嘅人士記得要預先留意有冇開園，而河內藤園門票亦會因花開狀況而有更改，一般500日圓至1500日圓不等，亦有可能因為花期未到而閉園架！想預先購買門票嘅亦可以到Klook購買，入場時只要出示QR code就可以入園。
到Klook購票11. 【福岡景點】大濠公園
大濠公園作為日本稀有嘅湖景公園，有日本最佳公園之稱，而當地人亦會嚟到大濠公園散步、踩單車、賞櫻、賞楓同觀賞煙火大會等，公園裡面仲有美術館、遊樂區、日本庭園等景點。其中有一間係九州唯二嘅星巴克概念店，以環保作概念打造嘅星巴克，係一間符合永續性嘅starbucks，亦係一個具有代表性嘅景點。
大濠公園附近仲有舞鶴公園同西公園等著名景點，每年春季都係福岡賞櫻勝地。舞鶴公園裡面嘅福岡城亦都係一個重要歷史遺跡，福岡城周圍仲有櫻花同楓葉，亦都係賞櫻同賞楓嘅絕佳地點！
交通方面亦都好方便，大濠公園就位於福岡市中央區，可以搭地下鐵或者西鐵巴士，到大濠公園站落車，步行大約5-7分鐘就到。